Aktuelle Stand vum Projet

Et ass virgesinn, datt de neie Léierplang fir d’Rentrée 2026/2027 a Kraaft trëtt. Den Textvirschlag soll schonn dësen Hierscht mat de concernéierten Partie Prenanten diskutéiert ginn; de Projet vum Règlement Grand-Ducal soll bis Enn 2025 fäerdeg sinn.

De Léierplang wäert fir all Entwécklungs- a Léierberäich déi Kompetenze festleeën, déi d’Schüler um Enn vun all Léierzyklus erreecht sollen hunn. D’Zuel vun de Stonnen am Joer, ginn op déi jeeweileg Beräicher verdeelt. Et gëtt momentan un enger digitaler Plattform geschafft, déi ënner anerem Beispiller vun Aufgaben a Performancen enthale wäert, an esou d’Enseignantë bei der Ëmsetzung vum neie Léierplang ënnerstëtze wäert. Den neie Léierplang orientéiert sech u folgenden Pilieren. 

• d’Wuelbefanne vun de Schüler ;
• d’Participatioun ;
• de Multilinguismus ;
• d’Digitalitéit.

Fir ëmmer um leschte Stand ze sinn, abonnéiert Iech hei op d’Newsletter.